Рано утрово на автопатот кај градот Еугендорф во Австрија се случила сообраќајна несреќа во која се повредени 20-ина лица, патници во автобус од Косово.
„Во моментов знаеме за тројца тешко и 16 полесно повредени“, изјави портпаролката на австрискиот Црвен крст Роберта Танер.
Несреќата се случила околу три часот по полноќ меѓу излезот од автопатот Салцбург Север и Валерце во правец на Виена.
На тој дел од автопатот во тек се работи и пренасочување на сообраќајот при што возилата се движат во двата правци.
Автобус со околу 25 патници удрил во бетонски столб од засега неразјаснети причини, изјави за агенцијата АПА портпаролот на полицијата Ханс Волфгрубер.
Автобусот превезувал патници од Хановер во Германија кон Косово, пишува „Телеграф“.
20 Verletzte: Auf der Westautobahn bei Eugendorf in Salzburg hat sich in der Nacht auf Donnerstag ein Unfall mit einem voll besetzten Reisebus ereignet. https://t.co/JcSqCq5vM4 pic.twitter.com/NQmr5K0v7R
— Kronen Zeitung (@krone_at) May 19, 2022