На настанот ќе учествува и еврокомесарот за проширување, Оливер Вархеи, како и главниот преговарач на македонската Влада со Бугарија, проф. Владо Бучковски, но и останати експерти.
Во Софија вечерва почна Форумот за Западен Балкан, со наслов „Време е за враќање на довербата”, чиј домаќин е европратеникот Илхан Ќучук, а во тек е обраќањето на главниот преговарач на македонската Влада со Бугарија, проф. Владо Бучковски.
Форумот ќе ги отвори клучните теми за Западен Балкан, се со цел да се дадат јасни насоки за преговарачкиот процес за пристапување на регионот во ЕУ. На настанот ќе учествува и еврокомесарот за проширување, Оливер Вархеи, но и останати експерти.
Форумот е организиран во партнерство со Фондацијата за либерална интеграција и Европскиот либерален форум.
Европратеникот Илхан Ќучук на вчерашната конференција на АЛДЕ и ЛДП „Обновен наратив за забрзана интеграција на ЕУ“ изјави:
– На оваа конференција присуствуваме сите партнери на ЛДП за да уште еднаш ја потврдиме чистата позиција дека земјите од Западен Балкан треба да бидат дел од ЕУ, рече тој.
Тој нагласи:
– Можеби европскиот сојуз има високи стандарди за животната средина, социјалната политика, но ЕУ треба да одлучи на која страна треба да оди, дали да биде политички сојуз како досега или пак да оди напред за подобар живот на граѓаните. Тоа значи дека треба и да се реши процесот меѓу Бугарија и Северна Македонија да бидат исполнети точките од договорот се со цел да прекине блокадата на Северна Македонија, беше дециден Ќучук.