Актуелната инвазија над Украина не го засени синоќешното 75-то доделување на филмските награди на Британската академија (БАФТА) чии организатори искажаа зборови на поддршка за украинскиот народ, а водителката му покажа среден прст на рускиот претседател Владимир Путин.
Многу од учесниците пристигнаа во лондонската Ројал Алберт Хол во темна боја облека во согласност со мрачното расположение од војната во Украина.
Оние ѕвезди кои директно се осврнаа на инвазијата најчесто го правеа тоа користејќи сини и жолти панделки, како што носеа британската актерка Џесика Пламер и 13-годишниот Вуди Норман, кои се појавија покрај Хоакин Феникс во „C’mon C’mon“.
Бенедикт Камбербач, чиј филм „Моќта на кучето“ беше прогласен за најдобар филм, во меѓувреме пристигна со игла со знамето на Украина на реверот пред да изјави за британската Скај њуз дека се надева дека ќе помогне да се сместат бегалците од конфликтот.
Актерката од „Војна на ѕвездите“ Дејзи Ридли и кандидатката за најдобра споредна женска улога Каитриона Балф — облечени во Вивиен Вествуд и Армани Приве – беа меѓу неколкуте високи гости кои носеа црни тоалети во знак на почит и поддршка за страдањето на украинскиот народ. Ним им се придружи и Наоми Кембел, која носеше црн фустан од Барбери.
Импресионираа и британската манекенка Адвоа Абоа, облечена во фустан без прерамки од Сен Лоран и ѕвездата од „Stranger Things“, Мили Боби Браун, која носеше прилагодена тантела и кадифена тоалета на Луј Витон со драматичен вез.
Лејди Гага, исто така, воодушеви во темните нијанси на црвениот тепих во елегантен смарагден фустан на Ралф Лорен за чија изработка беа потребни повеќе од 150 часа и 50 метри кадифе и свилен тафт. Пејачката и актерка од „Куќата на Гучи“, која беше номинирана за наградата за најдобра актерка, го комплетираше изгледот со накит од Тифани и Ко.
Некои познати личности беа поразиграни со изборот на облека и покрај сериозниот тон. Фустанот на Ема Вотсон, Оскар де ла Рента, имаше повеќеслојно здолниште од тул; Даниел Калуја носеше мантил од Прада со темна тегет облога и ракави, а Флоренс Пју пристигна со огромна розова машна која излегуваше од задниот дел на нејзиниот мини фустан Каролина Херера со долги ракави.
Церемонијата беше со тема Џејмс Бонд по повод одбележувањето на 60 години од филмската франшиза, при што многу мажи се одлучија за смокинг во стилот на најпознатиот британски шпион, вклучувајќи ги Том Хидлстон и режисерот на „Белфаст“ Кенет Брана.
(преземено од Си-Ен-Ен)