Штрајкот на железничарите продолжи и денеска. Машинскиот и извршниот персонал во „Железници транспорт“ бара исплата на материјалните трошоци, и на првиот дел од платата за февруари.
Вчера раководството на Железниците реагираше дека штрајкот на машинскиот персонал не бил писмено најавен и дека е незаконски. Тие тврдат дека редовно им ги исплаќаат платите и надоместоците на вработените, иако Друштвото се соочува со намалени приходи, а во исто време и зголемени трошоци во однос на користење на електричната енергија и нафтата, што енормно ги зголемува вкупните трошоци во редовното работење. Раководството наведе дека „Железници на Република Северна Македонија“ на вработените им ја има во целост исплатено платата за јануари 2022 година.
Штрајкот почна вчера од страна на машиновозачите и помошник – машиновозачите и се однесува на сите возови во патничкиот и товарниот сообраќај.