Независниот синдикат на Управата за водење матични книги најавува протест во среда пред Министерството за финансии затоа што, како што велат, помина рокот во кој се очекуваше одговор дали ќе има финансиски средства за реализација на нивните барања.
Штрајкот на вработените во Управата за матични книги трае повеќе од еден месец, а документи се издаваат само во итни случаи.
Синдикатот му даде рок на Министерството за финансии да одговори дали има пари за исполнување на барањата, кои претходно беа усогласени со Министерството за правда, а се однесуваат на отпремнини, исплата на К-15 во висина од 60 отсто од просечната плата.
– Ако не оствариме средба, ќе ги радикализираме чекорите. Апелирам да седнеме на заедничка маса да најдеме решение за овој проблем што го имаат вработените, изјави денеска Марјан Ристески од Конфедерацијата на синдикални организации.
Ристески смета дека, барањето на Сојузот на синдикати за зголемување на платите за 2.806 денари нема да го реши проблемот имајќи го предвид порастот на инфлацијата.