Вработените во Охис, за следната недела најавуваат протести пред владата, а не се исклучува можноста и за блокади на најфреквентните сообраќајници во главниот град.
Револтирани се што немаат земено 19 плати и надоместоци, а државата не превзема нешто за решавање на нивните проблеми, јавува Телма
Вработените се согласни да си заминат и со социјални пакети тврди Ристевски, и вели дека за ова прашање мора да се постигне договор со владата.
Според министерот Ваљон Сарачини, владата не се откажува од продажба на загубарите вклучително и на Охис и ќе распише нов 12. тендер.
Пред две недели пропадна 11. тендер за продажба на фабриката. Вработените со месеци се на принуден одмор и не одат на работа.
Охис се продава по цена од 14 илјади евра, но со долгови од 21 милион евра.