Вечерва, во 20 часот, на малата сцена во МОБ ќе биде изведен модерниот балет „Врати” во кореографија на Олга Панго.
Музиката е на Џенгиз Ибрахим, режија и либрето на Наташа Поплавска, сценографија и видео дизајн, Емил Петров и костимографија на Марија Пупучевска.
Играат: Марија Јосифовска Ристовска, Драган Кочовски, Билјана Пашариковска, Маја Митровска, Лиле Миленковска Гленски, Марина Ѓеоргиевска, Стефан Кочевски, Агим Бафтии.
Во едно соседтство се вселува нов подстанар, девојка. Комшиите ја гледаат новата подстанарка. Полека таа се запознава со нив. Еден сосед ја вика на кафе, друг ја прашува нешто, па сака да види како и е по дома и со што се занимава, трет ја поканува на прослава. Почнуваат да живеат еден идиличен живот на соседство. Одвреме на време ги гледаме животите на другите станари. Се покажуваат нивните проблеми. Заплетот се случува кога во соседството се развива забранета љубов помеѓу новата подстанарка и еден од соседите кој е во брак. Во моментот кога нивната љубов ќе биде откриена од сопругата на вљубениот се случува кулминација на претставата. По откривањето на вистината, новата подстанарка решава да си замине од соседството оставајќи ја својата љубов.
