Виолета Совкаровска: Пензионерите. Нивните пензии. Мали, средни, недоволни.
Линеарно или процентуално зголемени.
Ги следат трошоците на живот или трчаат по трошоците!
Да се работи до 62, 64, 73 или до крајот на животот!
Безбројни теми.
Волку илјади, онолку илјади…
Да бидам искрена – и мене пензиќите ми шетаа по ганглии, кога се возеа безвезе, бесплатно и со кутијата шах на горњем спрату ретких аутобуса!
Ама, после, сакав да се претворам во Јапонка. Во жена што сака да заличи на цивилизирано створење, а тие ги почитуваат постарите генерации, со сите нивни блесави однесувања.
Значи, ние имаме голем општествен проблем – никаква почит кон постарите лица и нивно третирање како товар на семејствата, на градот, на државата…
А тоа се нашите стари!
Оние што ни се родители, тетки, вујни, стринки.
Оние што некогаш биле млади и ја граделе оваа држава, не скарувале кога сме беснееле, ни ги дупеле топките што им паѓале во двор…
Генерации што ни ги граделе училиштата, болниците, патиштата.
И ја имале среќата да подостарат, да се сторат пензионери.
И многу е глупаво, сега, од позиција на се уште младешка сила да ги шуткаме, да ги третираме како досадии, да им ги броиме залаците. Уште полошо е кога тоа го прават во Собранието некои бледолики ликови што се довлекле до микрофон и од таму беседат, се ценкаат и доделуваат милостина во вид на зголемена пензија.
Срамота и греота е она што се слуша!
Ние олку им дадовме, вие толку!
Море, абдали едни!
Заборавате дека вие властелините сте тие кои им ги бркаат децата во туѓина, па на овие, на кои им давате пензии “од на дедо ви грнето” им се останати по некој пар кондури што ви ги редеа на булеварот, пред владата.
На пензиќите децата им купуваат смарт телефони, за да се гледаат и бацуваат преку вибер, додека заработуваат и плаќаат даноци во други земји, на други меридијани. Додека ги полнат туѓите буџети, нашиот е како дупната вреќа и никако да излезе равенката – најмалку тројца вработени на еден пензионерчич!
Значи, 360 илјади корисници на пензија.
Камо најмалку еден милион вработени што ќе ги издржуваат?
Затоа, драги властелини, следниот пат кога ќе споменете п од пензионер, сетете се колкумина потенцијални вработени сте шутнале преку двата аеродрома и бескрајните колони автобуси!
Да бевте паметни како што се мислите себеси, ќе ве славевме како живи народни херои!
И бидејќи сте далеку од Ченеди и неговата максима да сторите нешто вие за државата, не рипајте пред микрофоните и не тресете зелени дека вие давате пензии, од зголемените!
И да си знаете, ми се гади од вас!
Затоа, кога ќе ми дојде време, не одам во пензија!
Ќе си фатам патот во швалерација!
Извор: Фејсбук