Британскиот Врховен суд утре треба да донесе одлука за тоа дали премерот или Парламентот имаат право да го покренат процесот за излез на Британија од ЕУ, јавува АП.
Единаесетмина судии или ќе ја поддржат претходната одлука, Парламентот да има моќ да се повика на членот 50 од Лисабонскиот договор, или ќе ја отфрли улогата на законодавната власт во корист на Владата, која пак, тврди дека не и треба изјаснување на Парламентот за да го започне процесот.
Британската премиерка Тереза Меј минатата недела во обраќањето, порача дека нејзината земја сака чист развод со ЕУ, вклучително и напуштање на заедничкиот пазар. Таа очекува преговорите да траат две години, а заминувањето да оди во фази.
Меј презентираше 12 приоритети, кои вклучуваат напуштање на заедничкиот ЕУ пазар и преземање на целосна контрола над границите.
Според Меј договор за излез на Велика Британија е можен во следните две години, а напуштањето потоа ќе оди во фази. За конечната одлука за излез, ќе гласа британскиот Парламент.