Неколку лица загинаа при пад на патнички авион со 17 патници и членови на екипажот во градот Гома, на истокот од Демократска Република Конго, соопшти канцеларијата на локалниот гувернер.
„Авионот во сопственост на локалната компанија „Бизи Би“ се урнал по полетување кон градот Бени“, се наведува во соопштението на канцеларијата на гувернерот на провинцијата Северен Киву.
Се уште не е утврдена конечната бројка на жртви, пренесуваат британските медиуми.
Ова е втора авионска несреќа во Конго во последните два месеца, откако во октомври загинаа осум лица при пад на товарен авион по полетување од истиот аеродром.
Британските медиуми наведуваат дека авионските несреќи се релативно честа појава во Конго заради ниските безбедносни стандарди и лошото оддржување на авионите.