Деновите кога се заокружува 70-годишнината од депортацијата на македонските и во знак на сеќавање на холокаустот на Евреите од Европа, книгоиздателството „Икона“ го објави второто издание на збирката раскази и новели “Светилка за Ханука“ на Томислав Османли. Книгата содржи драматични повести, сугестивни ликови, и бројни теми од животот, но и на страдањето на Евреите како од Македонија, така и од различни места во поширокиот регион. „Светилка за Ханука“ вклучува девет прозни целини од различка големина, слично на обредната светилка која се користи за Ханука, еврејскиот Празник на светилината.
-За оваа книга авторот Томислав Османли ја доби наградата „Прозни мајстори“. Претходно, една од клучните прози на книгата „Фотографијата на тетка Рашела“ стана обитник на Првата награда на конкурсот за расказ на МАНУ и на Фондацијата „11 март 1943“.
Меѓу релевантните признанија на оваа книга се и големиот број објави на нејзините раскази и новели во голем број меѓународни списанија списанија, како: реномираното њујоршко списание „Forward“, полското европско списание „Krasnogruda“, во српските „Koraci“, „Ulaznica“, „Видело“, во хрватското како и во интернационалното издание на загрепското списание „Ruah Hadasha“ и др… Инаку книга „Светилка за Ханука“, расказ по расказ, на англиски јазик беше објавувана и до крајот на годинава 2013 ќе биде исцело објавена во светското сефардско списание „Los muestros”. Нови меѓународни објави на расказите и новелите од оваа книга допрва следат. Со сите тие објави, книгата „Светилка за Ханука“ е една од најпреведуваните македонски прозни збирки.
Првото издание, како двојазична објава на текстовите на македонски и на англиски јазик во превод на Пеги Рид и Љубица Арсовска, го објави книгоиздателството „Форум“ од Скопје.