Денеска во Кривичниот суд Скопје по претходно одложување треба да почне второто рочиште за случајот со насилство врз општина Центар. На минатото рочиште одржано во декември Судот ги одби аудио снимките од прислушуваните разговори, а го одби и зашитетениот сведок на СЈО. Судија во овој случај е актуелната вд претседателка на Осноовниот суд 1 Татјана Михајлова, која вчера ја разбранува јавноста со контроверзната одлука за прераспределување на судии од кривична материја во прекршоци.
Обвинети се 14 лица, од кои пет лица како поттикнувачи, а останатите како директни извршители на насилството. Меѓу обвинетите е и Никола Груевски, поранешен премиер, поранешниотминистер Миле Јанакиескии поранешната советничка Даниела Рангелова. .
Според обвинението, првообвинетиот Груевски во случајот кој беше обелодент во една од „бомбите“, е нарачател на насилството, а Јанакиески прифатил преку партиски членови да го спроведе насилството врз градоначалникот на Центар, Андреј Жерновски и членовите на општинскиот совет.
Обвинителката во овој случај е Фатиме Фетаи којашто на минатото рочиште имаше неколку вербални судири со судијката Михајлова. Михајлова два пати ја опомена Фетаи и еднаш и го одзеде зборот. Фетаи ја обвини судијката дека непотребно ги одложува рочиштата, на што Михајлова вратии дека овој случај „не е ништо посебен“.