Веселин Вујовиќ важи за еден од омилените ликови во ракометните сали во Македонија, особено кај навивачите на Вардар чиј тренер беше во неколку години во минатото. Денеска ја предводеше Словенија до убедлив триумф против „црвено-жолтите“ на Светското првенство во Франција, а по мечот со порака што наидува на симпатии во овдешната јавност.
„Против Тунис ќе одиме на нова победа. Верувам дека ќе успееме да ја оствариме. Ќе играме за нас, но и за Македонија иако знам дека нема да биде лесно“, истакна ракометната легенда на поранешна Југославија.
Словенците одиграа одличен меч против Македонија и заслужено славеа. Доблесно и чесно го призна тоа и трофејниот Лино Червар.
„Добро почнавме, онака како што посакувавме. Презедовме контрола во раната фаза на средбата, бевме подобри и заслужено победивме. Презадоволен сум. По три меча имаме шест бода, но гладта за нови радост останува. Посакувам се најдобро на Македонија во двата следни натпревара“, додаде црногорскиот тренерски стручњак.
За денеска во групата Б се закажани два меча. Словенија против Тунис од 17,45 ч. и Ангола – Исланд од 20,45 ч. Четвртото коло се комплетира утревечер (20,45 ч.) со дуелот меѓу Македонија и Шпанија. Во случај на победа на Словенците попладнево, тогаш македонските репрезентативци ќе бидат и дефинитивно осминафиналисти на мундијалот во Франција.