Украдена е двојазичната табла од зградата на Општинскиот суд во Вуковар, а оштетени се уште девет табли на други згради на државни институции, јавува полицијата.
Непознати сторители ги оштетиле таблите на Хрватскиот завод за здравствено осигурување, Општинското државно обвинителство и судот, Судот за прекршоци, Државната геодетска управа.
По две двојазични, кирилични табли се оштетени и на Канцеларијата на државната управа и Министерството за одбрана, јавува агенцијата Хина. Уништувањето на таблите започна во септември минатата година, кога најпрви беа поставени во Вуковар.
Тогаш десничарската организација Штаб за одбрана на хрватски Вуковар започна протести против кирилицата, кога започна уништувањето на тие написи.
Организацијата собра и потписи за референдум со кој употребата на кирилицата би била дозволена само во средините каде Србите сочуваат повеќе од 50% од населението.
Хрватскиот сабор се уште се нема изјаснето за таа иницијатива.