Бошко Нацевски: Доколку судијата, кој направил бункер во ѕид на куќата на татко му во Негоно, и во него сместил 350.000 евра, не докаже дека тие му се стекнати од копање во лозјето, од берба на грозјето и правење сортни вина, тогаш, во име на правдата, треба сите негови судски одлуки да се преиспитаат.
Голема е веројатноста судијата, со лепливи рачиња да е причина што многу криминалци се на слобода, а невини чмајат зад затворски решетки. Треба под лупа да се стави работата и на членовите од судските тимови со кои тој ги носел одлуките.
Во прашање не се толку парите сокриени во
ѕидот, што може да се толкува како тежок патолошки случај, колку што е професионален екстремен преседан, од кој многу човечки и семејни трагики се продукт на таквата судска, обвинителска и адвокатска клептоманска епидемија, која го има зафатено нашиот правен систем.
Добро ќе биде доколку клопчето се одмотува до крај. Изгледа многу ѕидови ќе треба да се урнат и да почне да се копа по судските досиеја и (не)етичоста на многу, од не баш малата армија делители на правдата. Детално да се преиспитува потеклото на нивниот имот, кој е со многу темни петна.
Извор: Фејсбук