Реакциите по смртта на поранешната британска премиерка Маргарет Тачер продолжуваат да пристигнуваат од цел свет.
Премиерот на Британија Дејвид Камерон изјави дека Британија загубила голем лидер, голем премиер и голама Британка.
Американскиот претседател Барак Обама кажа дека Америка загубила вистински приајтел и светски шампион во борбата за слобода.
Поранешниот Советски лидер Михаил Горбачов рече дека Маргартет Тачер била голем политичар со исклучителна индивидуалност .
По вестите за смртта на поранешната британска премиерка Маргарет Тачер, регионалниот функционер на британскиот рударски синдикат NUM, Дејвид Хопер во понеделникот изјави дека „денеска е прекрасен ден” и дека е „одушевен”, додека ирскиот републикански лидер Гери Адамс рече дека Тачер предизвикала големо патење во Ирска, а нејзината политика на крајот доживеала пораз.
„Тачер на североистокот му нанесе повеќе зло од кој и да е друг. И не станува збор само за јагленокопите, настојуваше да ги уништи синдикати, ја десеткуваше индустријата и ги разори нашите заедници. Англија денес увезува 40 милиони тони јаглен секоја година. Тоа е скандалозно”, гневно изјави Хопер.
„Се обидуваме да организираме заедничка прослава на денот на нејзиниот погреб. За неа тука нема да има премногу солзи, а мислам ни дека нема многу луѓе коишто ќе го гледаат погребот, сигурно ќе има некој натпревар на телевизија”, оцени синдикалистот.
Од 1985 година речиси 230 илјади британски рудари ја загубија работата, а владата на Маргарет Тачер по цела година спротиставеност меѓу премиерката и рударските синдикати кои стапија во штрајк, затвори 165 рудници.
Маргарет Тачер со години беше омразена и меѓу ирските националисти во Северна Ирска поради непопустливата политика во текот на 11-те години колку што во трите мандата од 1979 до 1990 година ја водеше британската влада, поради која, меѓу другото, десетина затвореници починаа штрајкувајќи со глад.