ЗОРАН ИВАНОВ
Со сообраќајот нема играње, со патниот, железничкиот, бродскиот, со воздухопловниот посебно иако светските статистики говорат дека според бројот на жртвите од несреќите и согласно динамиката на авиосообраќајот и бројот на патниците на годишно ниво, последниов е најбезбеден, па сепак, кај нас, со оглед на актуелните но и во континуитет повеќегодишни кадровски случување во МАНАВ, во македонската агенција за навигација, државна институција со грижа, нели, за безбедност на македонското небо и на овдешните аеродроми, за сигурност на патниците и на посадите на авионите, а сугерирано во оваа една реченица, како да е крајно време Eurocontrol, европската организација за безбедност на воздушната навигација, да ја преземе контролата врз македонското небо, нашата агенција да ја стави под принудна управа и конечно да запрат дилемите за тоа за што натаму повеќе ќе се грижи МАНАВ, за платите на децата на партиските функционери или за животот на авиопатниците!