Откако протестите започнаа пред Специјалното јавно обвинителство, Собранието беше блокирано за демонстрантите од страна на полицијата со метални барикади и хермалинки со водени топови пред Триумфалната капија.
Поради тоа, групата се упати кон институциите во реонот на Музејот на ВМРО, но и таму наидоа на полициска блокада кон Камениот мост и другите новоизградени мостови. Оттаму демонстрантите се упатија кон Владата на Република Македонија каде што во моментов се соочуваат со уште еден затворен пристап на преминот од Поштата кон Илинденска.
Демонстрантите веќе час и половина се движат од една на друга локација во обид да пронајдат простор пред институции во кои го лоцираат својот гнев. Засега немаат успех, известуваат репортерите на НОВА од терен.