Премиерот Зоран Заев смета дека Македонија може да ги искористи перспективите што ги нудат евтините кредитни линии од владата на НР Кина упатени до сите земји во регионот користејки го Патот на свилата како нова програма што е отворена како дел од иницијативата 16+1 за соработка на земјите од Централна и Источна Европа со Народна Република Кина, за капиталните инфраструктурни проекти.
-Република Македонија е подготвена да настапи со многу капитални инфраструктуирни проекти. Еден од приоритетите е железничката линија од Коридорот 8, посебно делот од Кичево до границата со Албанија, во проектна вредност од околу 500 милиони евра, како и автопатското решение за делницата Велес-Прилеп, кое во делот на централна Македонија ќе обезбеди инфраструктурно решение за олеснување на патувањето на граѓаните во внатрешниот дел на нашата земја. Секако остануваат и многу други проекти на кои што ќе се посветиме, како што е модернизирањето на железничката пруга од македонско-грчката граница до Табановце, како дел од Коридортот 10, и обновата на автопатските и на патните мрежи низ републиката, кои, исто така се дел од нашите приоритети“, рече Заев во изјавата за медиумите, на Самитот 16-1 што се одржува во Будимпешта.
На новинарско прашање какви придобивки може да се очекуваат со оглед на тоа дека идната година домаќин на овој самит за соработка на земјите од источна и централна Европа со НР Кина, ќе биде Бугарија, премиерот Заев рече дека Република Бугарија е голем поддржувач на интересите на Република македонија и дека тоа произлегува и од договорот за соработка, добрососедство и пријателство.
– Бугарија идната година ќе биде во центарот на европското и светското внимание преку нивното претседавање со ЕУ во првата половиона од годината, а во втората, оваа земја ќе биде домаќин и на овој самит. Јас верувам дека Република Македонија колку повеќе ќе подготви готови проекти, дотолку повеќе ќе може да партиципира со поголеми очекувања во сите овие можности што се нудат за земејите од источниот и централниот дел на Европа“, рече Заев.
Во врска со одлуката на Бугарската православна црква за барањето на Македонската православна црква – Охридска архиепископија, премиерот Заев рече дека е исклучително позитивна подготвеноста на БПЦ да го води и помага целиот процес за признавање на автокефалноста на МПЦ-ОА.