На крајот на маршот пред граѓаните од говорницита им се обрати лидерот на СДСМ Зоран Заев, кој рече дека маршот е глас кој најавува враќање на слободата, демократијата, правдата, враќање на државата во рацете на граѓаните. Во продоложение дел од обраќањето на Заев.
„Ние граѓаните склучивме сојуз, поединци, групи, граѓански здруженија, шарени, леви партии, Македонци, Албанци, Турци, Срби. Роми, Бошњаци, ние граѓаните на Македонија го кренавме нашиот глас.
Се излеавме илјадници, на денот на народното востание, на денот на народната борба, марширавме во чест на скопскиот , прилепскиот, битолскиот, кичевскиот партизански одред.
Нашето оружје е нашиот глас. Се бориме и ќе се избориме за слобода, правда, правичност и еднаквост. Дојде време да и дадеме ветување на Република Македонија.
Маршираме за враќање на државата во рацете на граѓаните, ја одземаме од фамилијата на Никола Груевски, марширавме за враќање на парите кои ги украдоа. Ќе ги вратиме до денар, се што украдоа.
Денес марширавме за достоинствени плати од кои ќе се живее, а не ќе се преживува, за задоволни работници и силни претпријатија. Од каде пари? Од таму пари, ќе ги вратат украдените пари, има се да вратат.
Буџетот после декември ќе се полни од парите на граѓаните украдени и однесени во рајските земји. Марширавме за деца да не просат по улици, семејства да не гладуваат, да не плачат по автобуските станици, за покрив над секоја гласа, за здравство кое лечи, а не убива, за државен систем кој помага, а не повредува.
И 11 октомври 2016 ќе биде врежан со црвено, зошто и генерациите како и тие од 1944 со својата одлучност, храброст и решителност се кренаа во одбрана ан идеалите, вистина и правдата, во одбрана на нашето достоинство и на нашите деца.
Како што беше одбранета Македонија и ние ќе се одбраниме себе си и граѓаните на Република Македонија.
Испишуваме историја, рушиме режим, а си ја враќаме слободата. Денешниот марш е марш на нашиот глас, гласот кој што победува. Придружете се, победува граѓанска Република Македонија“, рече Зоран Заев.