Премиерот Зоран Заев на Твитер напиша дека зборот „педер“ го употребил за да даде карактерна особина, а не да означи сексуална припадност. Оваа твит, Заев го напиша откако попладнево изјави дека нема да дозволи „неколку криминалци, еден суетен новинар и еден педер“ да ја симнат оваа Влада од власт, како одговор на новинарско прашање дали знаел за рекетот на Бојан Јовановски – Боки 13.
„ЛГТБТИ заедницата ја има мојата голема почит. Затоа, пред да го употребам зборот „педер“ упатив извинување. Тој збор го употребив за да дадам карактерна особина, а не да означам сексуална припадност. Извинување за ЛГТБТИ луѓето. Ќе се борам за нивните права, како и досега“, твитна Заев.