По два часа седење во кафеана и слободен разговор се случуваат грешки“, е одговорот на Зоран Заев во врска со последната аудио снимка што излезе во јавноста во која се слуша како вели дека „ќе соберел и шарено и шуто и рогато“, а притоа користел и вулгарен речник. Признавање на сторената грешка и корекција дојде и од него лично за време на денешната претпладневна прес-конференција пред македонското Собрание по повод предавањето на нацрт преговарачката рамка на усогласување и одобрување на финалната верзија во Советот на ЕУ.
„По два часа и 17 минути седење во кафеана на слободен разговор се случуваат грешки. Сум знаел секогаш да се коригирам и овој пат се коригирам. Ниту сум го мислел тоа, а еве времето покажа дека не сум имал некои непријатности во работењето. Јас и јавно се извинив на Фејсбук. Објавив статус што достапен до сите, сигурно стигнал и до граѓаните кои учествуваа во Шарената револуција. Доказ за тоа каков навистина сум, се овие три години зад нас. Имавме одлична соработка, учевме од нив, голем дел од нив се активисти во граѓанските организации, но голем дел од учесниците во Шарената револуција се граѓани кои се неопределени во политичките партии. Имавме одлична соработка и изработивме заедно многу за нашата земја“, одговори Заев.