Со законот за употреба на јазиците не се воведува двојазичност во сите институции на целата територија на РМ, туку само ќе се унапредат некои практични потреби на граѓаните кои досега не им биле овозможени, изјави денеска премиерот Зоран Заев.
Тој рече дека ќе биде дефиниран правно-формално ансамбл за културата на албанските граѓани.
– Законот за јазиците е согласно Уставот. Онаму каде што има практична потреба и Уставот го дозволува тоа, законот така и ќе се реализира. Преку него гледам отстранување на некои потреби кои досега биле присутни кај граѓаните, а не биле овозможени. Тоа е унапредување на употребата на јазиците во РМ и секако, како што постојат ансамбли, без да се зголемуваат буџетските средства, само ќе биде дефиниран правно-формално ансамбл за културата на албанските граѓани, истакна Заев.