Published: Friday, August 24, 2018 11:21
Компаниите „Минстрој“ А.Д. Софија и „Булмак 2016“ д.о.о.е.л. Пробиштип денеска соопштија дека вчера во доцните вечерни часови во рудникот Тораница во Крива Паланка се случила несреќа во која загинал рудар.
Во соопштението се наведува дека причина за несреќата е природна катастрофа – одрон на камења во ископната јама на рудникот при што рударот прво се здобил со тешки повреди, а подоцна починал. За овој трагичен настан, известени се сите надлежни институции и органи кои се на самото место на несреќата.