Најмалку 37 луѓе загинале, а 59 се ранети во две експлозии во Багдад. Цел на нападите биле христијани. Во последната деценија, бројот на христијаните во Ирак е опаднат на речиси еден милион.
Во експлозија од автомобил-бомби во областа Дура, во јужниот дел на Багдад, загинале најмалку 26 луѓе, а 38 биле повредени. Нападите се одвивале за време кога христијанските верници ја напуштале божиќната миса. Нешто порано, 11 луѓе загинале, а 21 се ранети во експлозија на една од улиците, пренесува агенцијата АП.
Засега никој не презема одговорност за нападите.
Според проценките, пишува АП, во Ирак пред американската инвазија во 2003 година, во Ирак живееле околу 1,5 милиони христијани, а 10 години подоцна нивниот број се намалил за 500.000.
Бројот на христијаните е опаднат помеѓу годините поради многу крвави судири помеѓу припадниците на различни исламистички секти, и други насилства, наведува француската агенција.