Претседателот на Комисијата за политички систем Влатко Ѓорчев за денеска закажа ново продолжение на комисиската расправа за вториот шестмесечен извештај на СЈО.
Вчерашното продолжение беше одложено, бидеји како што рече Ѓорчев ќе ја чека обвинителката Катица Јанева да дојде.
Јанева во петокот демонстративно ја напушти седницата, откако дел од членовите и се обраќаа со лични навреди. Таа начин на кој се дискутираше го нарече “класичен мобинг“ и најави дека веќе нема да доаѓа на сендицата.
Вчера Јанева го презентираше Извештајот и во Советот јавни обвинители, каде исто така ја напушти седницата, обвинувајќи ги и нив за мобинг.
В меѓувреме, СЈО вчера на прес конференција објави нов случај за финансиски криминал под име Трезор.
Комисијата во Собранието треба да го разгледа и Извештајот на Јавните обвинителства во земјава, кој заедно од оној на СЈО треба да се најдат на пленарна седница.
Денеска во Собранието на дневен ред се пратенички прашања.