Руската полиција се обидува да ги ослободи заложниците кои поранешниот сопственик на фабриката за колачи ги држи во фабрика во Москва.
На заложничката драма и претходело пукање, во кое Илја Аверјанов, поранешен сопственик на фабрика за колачи во Москва, убил припадник на обезбедувањето и ранил три лица.
Истражниот комитет наведува дека пред инцидентот претходела вербална расправија со актуелниот сопственик на фабриката.
Руска радио-станица успеала да стапи во контакт со Аверјанов, кој ги објаснил причините за својата постапка.
“Ми ја одзедоа фабриката на нелегален начин, користејќи фалсикувани документи, ми го уништија бизнисот. Утрово дојдов на работа, ме дочекаа со пиштоли. И јас имам оружје, денес го користев во самоодбрана, а за жал, еден истрел резултираше со смрт. Ова е целата приказна, ако останам жив ќе се борам до крај, сега ме окружуваат специјални сили. Во ред е, сега или ќе пукам или ќе се предадам”, рекол тој.
Московската полиција тврди дека не дошло до заложничка криза во кондиторска фабрика во Москва, каде утрово дојде до вооружен инцидент.