Вториот дел од состанокот на претседателите на САД и на Русија, Џозев Бајден и Владимир Путин во кој учествуваа по неколку нивни блиски соработници, завршил пред петнаесетина минути, јавуваат светските медиуми кои имаат свои известувачи на теренот. Но, светскиот сервис на Би Би Си, ја наметна дилемата дали со тоа во целост завршила американско-руската средба на врвот.
Првиот дел од разговорите во потесен состав, меѓу двајцата претседатели траел два часа по што имале околу 40 минутна пауза.
Во пресрет на завршните прес конференции кои Бајден и Путин ќе ги имаат одделно, а во отсуство на официјални изјави за што тоа се разговарало и како поминале разговорите или што на истите и дали е договорено, медиумите наголемо го прераскажуваат првиот чин на ракување на двајцата претседатели како и тоа дека прв раката ја пружил Бајден и направил чекор напред, на што Путин отпоздравил и се заблагодарил што Бајден пројавил интерес и го поканил на една таква средба.
Додека Бајден и Путин разговараат , светската тинк тенк елита се прашува дали состанокот ќе се закити со епитетот историски или ќе помине како средба на „ниски фреквенции“.