Завршните зборови за нарачателите на крвавиот четврток од 27 април 2017 година продолжуваат на 12 јули во скопскиот Киривичен суд. Идната недела предвидено е свој завршен збор да дадат поранешните министри Спиро Ристовиски и Миле Јанакиески, како и поранешниот директор на Управата за безбедност и контраразузнавање Владимир Атанасовски, кои исто така се обвинети.
Денеска во својот завршен збор поранешниот собраниски спикер Трајко Вељаноски, кој во тоа време беше претседавач на конститутивната седница, наведе дека тој ден бил посветен во завршување на самата седница, но и дека обвинението против него е паушално. Одбраната пак смета дека обвинетите не може да се гонат за кривичното дело терористичко загрозување на уставниот поредок и безбедноста.
Обвинителката Вилма Русковска во завршниот збор наведе дека целта на Вељановски била да се спречи изборот на претседателот на Собрание. Исто така, таа посочи дека преку доказите докажале оти Вељаноски, Јанакиески, Ристовски и Владимир Атанасовски се виновни за случајот.