Украинскиот претседател Володимир Зеленски денеска го потпиша Законот за заострување на казнените мерки во земјата, според кок за предавство е предвидена казна од 15 години до доживотен затвор.
Според веб-страницата на Врховната Рада, изгласана е измената и на Законот за враќање на огненото оружје и муниција на цивилите за заштита на земјата во време на војна, а се пропишува дека цивилите не се одговорни за употреба на огнено оружје против лица кои вршат вооружени агресија врз Украина.
Покрај тоа, граѓаните на Украина имаат можност да учествуваат во одбивање и одвраќање на вооружена агресија на Руската федерација и/или други земји, користејќи сопствено наградно или спортско оружје (пиштоли, револвери, пушки, пушки со мазна цевка), ловечки пушки, итн.
Законот ги заострува казните за оттуѓување на туѓ имот на бојното поле или за користење на трагични околности, борба за сопствена корист со ограбување луѓе, вклучувајќи и убиени или ранети. Поточно, за кражба, разбојништво, изнуда или проневера на имот во вонредна состојба се заканува затворска казна од пет до 15 години во зависност од тежината на делото. Исто така, казната за разбојништво на боиште е од пет до 10 години затвор.
Добиваме различни сигнали дека некои политичари повторно бараат врски со Русија. А некои други работат на раскол, спротивно на единството, рече Зеленски.




