Жбогар: Решението е во дијалогот, не кај дипломатите

Не е задача на дипломатите да кажат кои се излезите од сегашната ситуација во Македонија, тоа е задача за домашните политичари, изјави денеска евроамбасадорот Самуел Жбогар во Штип.

Во врска со барањата за лидерска средба, Жбогар смета дека дијалогот меѓу партиите треба да се одвива во институциите.

-Парламентот заседава и сметам дека таму имаат многу шанси за да дискутираат за проблемите. Сепак, би истакнал дека за нормално функционирање на државата, важно е да постои дијалог во институциите и да се гради авторитетот на институциите. Собранието е една од тие институции, а дијалогот меѓу партиите треба да се одвива таму, изјави Жбогар.