Најмалку три лица загинаа, а 100 се префрлени во болници откако „Амтрак“ воз кај Сиетл слета од шините.
Болнички извори јавуваат дека 100 лица биле донесени во болниците, а покрај оние кои се наоѓале во возот повредени се и патници кои биле во возилата во кои удрил возот по излетувањето од шините.
Компанијата „Амтрак“ соопшти дека во возот имало 78 патници и петмина вработени.
Неименувани американски извори блиски до истрагата рекле, дека според прелиминарните податоци, возот веројатно удрил во нешто на шините, поради што исзлетал и слетал од надвозникот, пренесува АП.
Истиот извор напоменува дека пругата е сосема нова, и дека многу е мала веројатноста да дошло до ислизнување поради лошото одржување.
Несреќата се случила нешто пред осум часот по локално време, при првото возење на брзиот воз на новоизградената пруга.
Возот се движел со брзина од 130 километри на час кога дошло до несреќата.
Во меѓувреме, гувернерот на државата Вашингтон, Џеј Инсли прогласи вонредна состојба.