Се’ започнало како хумористични видео водич на „Ју тјуб“ во кој 25-годишната Џена Муреј ги учи жените како да се нашминкаат кога се под дејство на алкохол.
Денес таа има повеќе од 8 милиони претплатници, а видео водичот го снима во нејзиниот стан во Санта Моника, вреден милион долари, кој е далеку подобар од малото станче во Масачусетс, каде што живеела пред да стане популарна.
Нејзиниот водич има над една милијарда гледања, а на Фејсбук и на Твитер ја следат голем број холивудски ѕвезди. Се разбира, најмногу фанови има меѓу тинејџерките на кои им дава совети на специфичен начин.
Џена самата е изненадена од својата популарност, благодарение на големиот број на фанови, таа мораше да ангажира асистент и менаџер додека нејзината мајка се грижи за пораките на фановите и бизнис зделките.
Иако таа не се открива колку заработува, „TubeMogul“ ја анализирал нејзината интернет страница и проценува дека во 2012 година заработила околу 350 илијади долари, но тоа не ги вклучува договорите за рекламирање.
„Заработувам повеќе отколку што ми е потребно”, изјави таа за „New York Times“.
Џена е дипломирала спортска психологија, но, работела како танчерка и како келнерка во еден ноќен клуб.