Деветтемина жители на Кочани кои синоќа побараа лекарска помош поради вдишување на чад, како последица од пожарот се во добра здравствена состојба, информираат од Министерството за здравство.
– Пациентите кои синоќа беа задржани во болница неколку часа и примаа кислородна терапија, се пуштени дома. Во пожарот нема поврдени со изгореници, велат од министерството.
Министерот за здравство Венко Филипче синоќа на терен во Кочани посочи дека медицинските екипи од Кочани и околните општини се целосно мобилизарани како и тимот од Клиниките во Скопје доколку е потребна интервенција.
– Нема повредени со изгореници во пожарот во Кочани. На десетина пациенти им била дадена лекарска помош поради вдишување на чад. Четворица од нив се пуштени дома, а петмина се задржани во болница и примаат кислородна терапија. За неколку часа ќе бидат испратени на домашно лекување. Со претседателот на Владата Зоран Заев остануваме во Кочани цела ноќ, огнената стихија е локализирана, но будно ја следиме состојбата на терен и сме во целосна координација со сите екипи и институции, порача Филипче.