Без дискусија во Комисијата за избори и именувања, Зоран Ангеловски денеска едногласно е предложен за нови директор на Оперативно техничката агенција (ОТА). Власта и опоцијата посигнале консензус и тој е избран меѓу 14 кандидати. Тој се избира со двотретинско мнозинсвто на пленарна седница на Собранието.
Ангеловски претходно работел во Агенцијата за разузнавање од 1998 до 2005 година, а бил и инспектор во Град Скопје. Потоа работел во Телеком.
Тој ќе застане на чело на новоформораната Оперативно техничката агенција која ќе има задача да го следи прислушувањето, кое повеќе нема да биде во УБК. Формирањето на оваа агенција беше една од клучните препораки на експертската група на Прибе, како начин да се спречи злоупотребата со прислушувањето на телефонски разговори.
Според законот, оваа агенција треба да профункционира до 1 ноември. Дотогаш ќе треба да се изберат заменик директорот и вработените, да се одлучи каде ќе биде сместена и да се опреми.
На денешната седница на Комисијата не беше избран директор на Државниот завод за ревизија. Власта ја предложи Тања Тасевска, но претседателот на Комисијата Илија Димовски кажа дека пратеничката група на ВМРО ДПМНЕ инсистира предлогот да биде од опозицијата бидејќи се работи за институција која треба да го конролира финансиското работење на државните институции.
Мухамед Зекири од СДСМ рече дека предлогот Тасевска да биде директор не е партиско решение, туку се работи за професионалец која работи во институцијата. Поради тоа што не се усогласија, не беше избран првиот човек на Заводот за ревизија.