Судот за спортска арбитража во Лозана ги објави причините за намалување на казната на руската тенисерка
Судот за спортска арбитража во Лозана (ЦАС) ја намали казната на Марија Шарапова за девет месеци, па руската тенисерка е може да се врати на терените во април догодина. Интернационалната тениска федерација (ИТФ) во април ја суспендира на две години поради позитивен допинг тест за време на Австралија опен во оваа сезона. Причина беше употреба на забранетиот лек мелдониум. Популарната девојка од Нјаган ја обжали таквата одлука што независната судска инстанца во Швајцарија делумно ја прифати во текот на вчерашниот ден.
Шарапова беше сослушана на 7 и 8 септември. Комисијата на ЦАС востанови дека таа го намалила ризикот во однос на периодот на користење на мелдониум. Заклучоци од разговорите се:
– Супстанцијата ја внесувала 10 години без притоа да има било каков проблем со допинг
– Се консултирала со руски доктор кој ѝ препишал мелдониум од медицински причини наместо со цел за подобрување на спортските перформанси
– Не добила посебно предупредување од ВАДА, ИТФ или ВТА запромена на статусот на мелдониум
Комисијата при ЦАС смета дека е разумно што Шарапова му доверила на својот менаџер да проверува што се наоѓа на листата на забранети супстанции секоја година. Во образложението на Судот во Лозана, сепак, се наведуваат и неколку причини за одговорност на Русинката.
– Нејзина грешка е што не издала адекватни инструкции при најважната задача, а таа е проверка на содржината на листата со забранети средства
– Не го надгледувала и контролирала својот менаџер при вршење на својата должност. Посебно е очигледен недостаток на било каква процедура или извештај што би потврдил дека менаџерот ја одбил својата должност
Во ЦАС, меѓудругото, забележуваат и на пропуст на Шарапова што не открила дека ористи мелдониум при подложување на редовни допинг контроли. На крајот на соопштението, сепак, се наведува дека има доволно докази за намалување а суспензијата од 24 месеци на 15.
Кој го произведува мелдониум или милдронат?
Препаратот Мелдониум што беше кобен за Шарапова е производ на компанијата „Гриндекс“ од Летонија и важи за еден од најважните извозни производи на балтичката држава. Легален е во Летонија меѓутоа и во Русија, Украина, Молдавија, Белорусија, Ерменија, Азербејџан и некои други земји. Нема одобрување од американската агенција за храна и лекови (ФДИ) за употреба во САД.
„Татко“ на Мелдониумот е летонски хемичар, лекот бил наменет за Советските војници во Авганнистан
Татко“ на Мелдонумот е 69 годишниот летонски хемичар Ирвинс Калвинш, претседател на научниот одбор на националниот институт за органска синтеза. По избивањето на скандалот со Шарапова и самиот се јави со реакција за својот изум за кој вели дека е наменет за војници. Корист од него требале да имаат припадниците на Црвената армија во војната во Авганистан.
„Војниците се наоѓаа во планински подрачја и за да опстанете во нив мора да се изборите со недоволно количество на кислород. Милдронат е одличен начин за заштита во такви услови“, вели Калвинш.
За време на советската ера, летонската компанија „Гриндекс“ испорачала стотици метрички тони Мелдониум за потребите на војската. Корисниците на препаратот, според Калвинш, биле поиздржливи со резерви на кислород во тешките услови што владееле во Авганистан.
Кога Мелдониумот се најде на листата на забранети супстанции Калвинш порача:
„Тоа е повреда на човековите права. На спортистите треба да им е дозвоолено да го заштитат сопственото здравје. Лекот е присутен на пазар веќе 32 годин и и одеднап е забранет. Поради тоа може да бидеме сведоци на смртни случаи на сппортските терени“.
Што е Мелдониум и какви ефекти има?
Мелдониумот е дел од групата С4 на листата на забранети супстанции или хормони и метаболички модулатори. Во услови на интензивен физички напор, препаратот ја рационализира потрошувачката на кислород, влијае на елиминација на токсичните продукти во метаболизмот и ги заштитува ќелиите во организмот од оштетување.
Под негово дејство, човечкото тело се стекнува со способност да издржи стрес и ги одржува резервите на енергија. Затоа служи за лекување на болести на кардио-васкуларниот систем, но има и ефекти за подобрување на физичките и ментални способности. Од „Гриндекс“ порачуваат дека лекот е препорачано да се користи од четири до шест недели и дека негово дејство го забавува спортистот.