Од:

Демократијата треба да го урне режимот на Ердоган а не воен удар

По неуспешниот синоќешен воен удар, ситуацијата во Турција и понатаму останува доста конфузна.

Како што јави интерим шефот на војската 104 бунтовници и 41 полицаец загинаа синоќа а помеѓу цивилите има 47 загинати. Притворени се 2.800 војници а повеќе од 1.000 луѓе се повредени.

Според премиерот, ситуацијата е под контрола а овој настан, рече тој, ќе остави “црна дамка” врз турската демократија.

Претседателот Ердоган во сабота рано наутро стаса на аеродромот во Истамбул и беше пречекан од толпа негови поддржувачи. Тој изјави дека хотелот на Мармарис каде што бил засолнат бил бомбардиран по неговото заминување.

36536A0100000578-3692693-image-a-102_1468631652302

Триумфалниот пречек на Ердоган во Истамбул утринава

Властите ја презедоа контролата на Парламентот кој од утринава е во вонредна сесија.

Според Дороте Шмит, експерт за Турција од парискиот универзитет Париз 13 која се наоѓа во Истамбул во моментов, нема што да се очекува од оваа сесија:

“Сите партии ќе застанат зад Ердоган со цел да ја сочуваат демократијата. Сите партии го осудија воениот удар по крвавите настани од синоќа”, изјави таа за еден швајцарски медиум.

Според Рикардо Гутиерез, генерален секретар на Европската федерација на новинари “сите партии од опозицијата како и новинарите кои ја трпат репресијата на Ердоган, не го одобрија воениот удар уште во првите часови на настанот. Демократијата треба да и стави крај на авторитарната политика на Ердоган а не воен пуч”, напиша тој на социјалните мрежи.

Заменик претседателот на владејачката партија, Мехмет Мезиноглу, изјави дека владата ќе размислува за враќање на смртната казна по обидот за воен удар.

По неговата изјава е на твитер хаштагот #Idamistiyorum (Сакам смртна казна).

Аличан Тајла, експерт за Турција, вели дека оваа ситуација може да му биде од корист на Ердоган.

“Ситуацијата може да биде корисна за Ердоган и неговата влада. Очекувам уште поголеми рестрикции на слободата и повторно воведување на смртната казна или продолжување на вонредната состојба во Турција”, вели тој.

И додава дека ситуацијата останува експлозивна ситуација бидејќи од една страна има воен удар а од друга зајакнување на исламско-конзервативниот режим на Ердоган.

Како што изјави Ердоган утринава кога стаса на истамбулскиот аеродром велејќи дека ќе «ја исчисти армијата», голема чистка се одвива веќе во војската.

Чистката се однесува пред се на приврзаниците на Фетулах Ѓулен, еден од најголемите противници на режимот на Ердоган. Кој уште ноќва изјави дека не стои зад овој воен удар.

maxresdefault

Фетулах Ѓулен

Ѓулен е непријателот број 1 на Ердоган откако изби корупцискиот скандал во 2013 година во кој беа вовлечени добар дел од луѓето блиски до Ердоган. Тогаш, Ердоган ги обвини Ѓулен дека креира “паралелна држава” чија цел е да ја турне власта. Ѓулен и неговите приврзаници тоа го негираа а синоќа Ѓулен лично го осуди обидот за воен удар.

Утринава Ердоган ги повика луѓето повторно да излезат на улица за да се спречи ново насилство.

„Без оглед на сѐ, вечерва мораме повторно да излеземе на улиците. Нов удар би можел да се случи во секое време“, се вели во пораката на Твитер.



Comments are closed.