Во Министерството за труд и социјала се делеле високи хонорари на вработени кои парите ги добивале паралелно со платите. Станува збор за вработени раководители на сектори, државни советници, луѓе од кабинетот на екс министерот Диме Спасов. Висината на нивните хонорари ја утврдувал екс министерот Спасов. Министерката Мила Царовска за НОВА обелодени дека станува збор за нестручни луѓе кои биле ставани во комисии кои одлучувале за суштински прашања како што е посвојувањето на деца, на пример.
„Не може во комисија за посвојување да биде мојата шефица на кабинет, на пример или некој што нема допирна точка со општествени науки. Во ова Министерство не се градело, туку се рушело во изминатите 11 години. Таму има државни советници кои не ја разбираат проблематика. Освен платата некои вработени во администрацијата добивале хонорари од разни проекти, комисии, а парите ги добивале паралелно со платата. Тоа е недозволиво, администарцијата треба да работи за плата. Дополнителните хонорари може да бидат искористени за услуги кои тоа Министерство ги нуди и ако ги сумираме цените, може да отвориме и некој сервис. Како пример, само едно лице за четири месеци ангажман во таква комисија земало сума од 235 000 денари“, изјави за НОВА министерката Царовска.
Станува збор за буџетски средства, како и пари добиени од проекти од меѓународната заедница.
Табели од сумите на хонорарите за 2016 и во првите четири месеци во 2017 година(без имиња на вработените).
Екс министерот Спасов и неговиот заменик трошеле големи суми на буџетски средства и по ресторани, не се штедело воопшто, тие се луксузирале наместо да се испорачаат парите до луѓето на кои што им се потребни“ , рече Царовска.
Утврдено е дека злоупотреби имало и во делот на правата на додатокот за трето дете.
„На некои семејства им се остарува правото на додаток за трето дете, за по две години да има се укине со образложение дека мајката нема доволно години за стекнување на државјанство. Како преходно било проценето поинаку, се испушта да се види тоа, а по две три години е утврдено дека не може да оствари право за надоместок за трето дете. Тоа е манипулација и злоупотреба“изјави Царовска.
Покрај ова, констатирано е дека три Центри за социјална работа во Македонски Брод, Валандово и Демир Хисар немаат кадровски услови согласно законот и тие требало да бидат затворени. Овие центри немале вработени, а решенија се носеле од други центри наместо да се направи распределба на кадарот од Министерството.
Повеќе од раговорот со Мила Царовска, министерка за труд и социјална политика можете да гледате во недела во емисијата ПРОЦЕС.