Од:

Украинско арт сценарио во партиската зграда на ВМРО ДПМНЕ

Никола Груевски под рака со сопругата Боркица, придружуван од тесното партиско раководство. Сите во лежерна варијанта. Лидерот отпоздравува, а млади и стари отстрана воодушевено го гледаат. Ова е амбиентот отсликан во една од уметничките слики кои наскоро ќе висат на ѕидовите во новото партиско седиште на ВМРО ДПМНЕ.

umetnost 6

Извори блиски до раководството на владејачката партија кои сакаа да останат анонимни, до редакцијата на НОВАТВ доставија фотографии од уметничките слики кои наводно за партијата ги изработуваат украински и бугарски автори. Дел од овие автори биле ангажирани и на изработката на сликите и масивните сцени поставени во Музејот на македонската борба и во други објекти од проектот Скопје 2014.

На друга слика повторно лидерот на ВМРО-ДПМНЕ Груевски е во центарот на вниманието, опкружен од неговите сопартијци и братучедот Сашо Мијалков, а во позадина реки народ. Според оригиналните снимки и фотографии од митинзите со кои ја споредувавме уметничката слика, со некои измени, е правена според фотографија од митинг на плоштадот во Скопје.

umetnost 1

Груевски меѓу народ, па Груевски на говорница. Во позадина – Македонија има сила. Тоа е мотивот од друга слика, која ќе биде закачена на ѕидовите во штабот на ВМРО-ДПМНЕ.

umetnost 3

Иако поранешниот лидер на партијата Љубчо Георгиевски и сегашниот водач се закрвавени политички непријатели, сепак во партиското седиште ќе има спомени и од екс премиерот Георгиевски. На едната слика е Георгиевски заедно со коалициониот партнер од тогашна Демократска алтернатива Васил Тупурковски и членови од двете партии, но секако и Груевски, кој тука е млад министер за трговија во Владата.

umetnost 2umetnost 5

На шестата фотографија најверојатно е отсликано предавањето на партијата од старото на новото раководство. Од една страна седат поранешните аболирани државни функционери Гордана Јанкулоска, Кирил Божиновски и Мартин Протуѓер. А, спроти нив се Ден Дончев, Борис Змејковски и Војо Михајловски.

umetnost 4

Според информациите на НОВАТВ, нарачани се над 50 уметнички слики со позлатени рамки. Најголема, со огромни димензии четири метри на осум метри, ќе биде фамилијарниот портрет на екс премиерот Груевски, заедно со сопругата Боркица, двете ќерки и неговата мајка Нада. Според изворите на НОВАТВ опремувањето на седиштето чини повеќе милиони евра. Надлежен за визуелниот дел и како да изгледаат сликите бил генералниот секретар на Владата Кирил Божиновски, кој им давал сугестии на авторите.

НОВАТВ ги побара авторите на уметничките слики и портпаролот  на партијата Иво Котевски. Со него сакавме да ги провериме инфромациите дека набавката на сликите се одвивала преку постоечки набавки за државни институции, но и покрај тоа што добивавме известувања дека нашите пораки се прочитани, тој не одговораше на нашите пораки ниту повици.

Новиот штаб на ВМРО-ДПМНЕ е сместен во строгиот центар на Скопје. Зградата која лани во јуни беше завршена со градба, на местото на старото седиште, вреди неколку милиони евра. Именувана е „Палата д-р Христо Татарчев“ по првиот претседател на Централниот комитет на Македонската револуционерна организација и еден од нејзините основачи.



15 Trackbacks & Pingbacks

  1. Груевски, Георгиевски, Мијалков и Јанкулоска “ќе висат” во партиската зграда на ВМРО-ДПМНЕ (Видео) | MKDNews.com
  2. Хорхеликс достави фотографии до „ДеФокус“ | Фокус
  3. Нова: Груевски со мајка му Нада во позлатени рамки во седиштето на ВМРО-ДПМНЕ - Reporter.mk
  4. Партиско седиште на ВМРО-ДПМНЕ ќе го красат 50 слики со позлатени рамки | Faktor.mk
  5. Партиското седиште на ВМРО-ДПМНЕ ќе го красат 50 слики со позлатени рамки | Faktor.mk
  6. НОВА: Украинско арт сценарио во партиската зграда на ВМРО-ДПМНЕ ВИДЕО : Ohridsky
  7. Нова ТВ | Сликите на ВМРО-ДПМНЕ хит на социјалните мрежиНова ТВ
  8. Соцреализмот на ВМРО-ДПМНЕ: Народот како толпа која го следи големиот водач - Reporter.mk
  9. Нова ТВ | Шарена револуција: Гоблен со сликата на ВМРО-ДПМНЕ зад решеткиНова ТВ
  10. Нова ТВ | Шарените до власта: Одговорност, затвор и конфискацијаНова ТВ
  11. Партијата – Нејзиниот крај
  12. Заблудата кај политичките рејтинзи – Слободна Македонија
  13. Macedonia’s Ruling Party Has Resuscitated Socialist Realism Without the Socialism · Global Voices
  14. Нова ТВ | ВМРО-ДПМНЕ – Како изгледа седиштето на најбогатата партија во ЕвропаНова ТВ
  15. Нова ТВ | Година на корупција, пропагандa и измами: ТОП 10 СТОРИИ НА НОВАТВНова ТВ

Comments are closed.