Имаме загриженост, слушаме сигнали дека Северна Македонија бара друго лоби за да го заобиколи првиот кластер, кој е најважен за човековите права, и се обидува да започне со другите поглавја, кои се многу поспецифични.
Нема шанси Бугарија да се согласи на таква промена“, изјави вршителката на должноста бугарската претседателка, Илијана Јотова во Минхен, каде учествува на Минхенската безбедносна конференција.
Јотова, како и претходно македонскиот премиер Христијан Мицкоски, денеска се сретна со претседателот на Европскиот совет Антонио Кошта, со кого разговарала за проширувањето на Западен Балкан, за случајот со Македонија, како и за бугарската позиција по ова прашање.
Нагласив дека имаме европска политика по ова прашање, имаме услови кои се исти како и оние на европските институции. Додека нема промена во уставот на РСМ и регистрација на Бугарите таму, не може да има никакво продвижување, рече Јотова.
До јуни, со напорите на Бугарија и европските партнери, мора да се најде опција, ако Северна Македонија сè уште сака да биде дел од ЕУ, рдче таа.