Повеќе од 100 лица загинаа кога се урна авион Боинг 737 во близина на главниот аеродром во Хавана. Три жени се пронајдени живи меѓу остатоците на авионот, но имаат сериозни повреди и изгореници.

Најголем број од патниците биле од Куба, а пет се  странци. Членовите на екипажот биле од Мексико. Во авионот имало вкупно 104 патници и шест членови на екипажот.

Фото Ројтерс

Прерано е да се каже што ја предизвика несреќата, но очевидци рекле дека авионот се запалил пред да се урне во полето во близина  на главниот аеродром во Хавана. Од американската компанија Боинг највија дека ќе испратат технички тим во Куба за да помогне во истрагата. Авионот бил 40 години стар и се урнал веднаш по полетувањето.

Авионот бил на мексиканската компанија „Дамох Аеролинес“, а изнајмен од кубанскиот авиопревозник „Кубана де Авиасион“.  Летал од Хавана до Олгин во источниот дел на Куба.