Судијката што го води судењето за 27 април Добрила Кацарска го испрашува сведокот кој е повикан од Митко Чавков, Никола Димитриевски, кој во обезбедувал.
Тој рече дека Чавков имал три канцеларии во Технометал Вардар, но дека не знае дали се на МВР. Кацарска праша во колку часот сведокот го слушнал Чавков дека дава наредби од канцеларијата на Технометал Вардар, а тој одговори околу 19 часот.
Сведокот рече дека слушнал како Чавков зборува на телефон со Влатко кој бил командант на единицата за брзо распоредување и давал команди, но на прашањето на Кацарска, какви команди давал, сведокот рече дека не може да се сети.
Судијката праша и како сведокот не може да се сети на ниту една команда, а самиот рече дека вратата не била блиндирана и се се слушало, на што тој одговори дека поминал подолг период и затоа не може да се сети.
Сведокот кој е вработен во МВР и му бил обезбедување на Чавков претходно кажа и дека Чавков давал наредби на началникот Сашо Митески во штабот во МВР во граничната полиција каде што Чавков пристигнал околу 20 часот.
Судијката праша дали таму бил Агим Нухиу, министерот за внаттешни работи, а сведокот рече: ,,Мислам да, ама не сум сигурен, имаше многу луѓе“.
Кацарска праша и дали имало разговор меѓу Нухиу и Чавков, но сведокот рече дека не слушнал што зборуваат.
Претходно, Александар Василевски Нинџа го испрашуваше сведокот на Митко Чавков, Димитриевски, откако тој сведочеше дека Чавков во времето кое Нинџа го посочи во неговото сведочење, не бил во ВМРО ДПМНЕ, туку во канцеларија што ја имал во Технометал Вардар. Нинџа праша дали паркингот во Технометал Вардар е ист со паркингот кој го користи ВМРО ДПМНЕ.
Сведокот рече дека Технометал Вардар и ВМРО ДПМНЕ користат ист паркинг.
Никола Димитриевски кој бил обезебедување на Чавков претходно кажа дека Чавков го оставиле во Технометал Вардар. На минатото рочиште Нинџа сведочеше дека Чавков по 18 часот го видел во штабот на ВМРО ДПМНЕ како телефонски разговара и дава насоки на Митко Пешев и други лица пасивно да делуваат.
Нинџа, пред да заврши со директното испрашување на сведокот, констатираше дека ,може да заклучи дека обезбедувањето на 27 април не го чувале добро Чавков, затоа што тој бил во штабот на ВМРО ДПМНЕ од 18 и 20 до 19 и 15 минути“.