Индонезиските власти соопштија дека бројот на жртвите од земјотресот се искачи на 252, бидејќи повеќе тела се откриени под урнати згради.

Регионалната агенција за справување со катастрофи од Цианџур денеска на својата страница на Инстаграм објави дека бројот на загинати е зголемен од 162 пријавени претходната ноќ. Уште 31 лице се водат како исчезнати, а стотици се повредени.

Цианџур, јужно од Џакарта, беше најтешко погоден од земјотресот со јачина од 5,6 степени.

Блокираните патишта и оштетените мостови до денес ги спречија спасувачите да донесат багери и друга тешка опрема во руралното подрачје за да помогнат во ископувањето на преживеаните.

Покрај загинатите, властите објавија дека повеќе од 300 луѓе се сериозно повредени, а уште најмалку 600 се здобиле со полесни повреди.

Во селото Циџедил, северозападно од Цианџур, земјотресот предизвика лизгање на земјиштето што ги блокираше улиците и затрупа неколку куќи, а имаше извештаи дека се уште се затрупани 25 луѓе, изјавија од Националната агенција за пребарување и спасување.

Извор: Асошиетед Прес