Утринава во 6 часот започна евакуацијата на бегалскиот камп во Идомени.
„Операцијата се одвива во бавен ритам и во тишина и ќе трае неколку дена“, изјави портпарол за грчката државна телевизија кој во понеделникот.
Евакуацијата на кампот со околу 8.400 лица би требало да трае до крајот на оваа недела.
На новинарите во вторникот утрото пристапот во кампот не им беше дозволен. Полицијата го блокираше патот три километра пред оваа локација. Емитувани се само снимки од четири автобуси кои доаѓаат во логорот за да ги преземат имигрантите.
Грција ангажирала над 1.000 полицајци кои ја водат операцијата и утринава околу 400 лица веќе го напуштиле кампот кај Идомени.
Според плановите на грчките власти, имигрантите би требало да се преместат во центар за прифаќање во близина на Солун.
Откако земјите од балканска рута ги затворија границите во март, во Идомени беа блокирани околу 12.000 луѓе. Тие одбиваа да се одат од кампот во надеж дека ќе успеат да ја минат границата и да одат во земјите на ЕУ. Имаше обиди за илегално минување на границата и судири со македонската полиција што донесе неколку жртви.