Евроамбасадорот Самуел Жбогар денеска од Тетово побара политичарите да кажат дали во Македонија ќе се одржат локални избори и кога тие ќе бидат распишани.
„Ќе видиме кои се следните чекори, затоа што денеска Могерини има состанок со министрите за надворешни работи на ЕУ и ќе ги брифира овие претставници за средбата што ја имала во Скопје, така што ќе видиме какви пораки ќе произлезат од средбата. Исто така, и в четврток Могерини ќе има средба со премиерите на земјите-членки на ЕУ и на таа средба ќе се разговара за состојбата, по што и оттаму ќе произлезат пораки“, потенцирал Жбогар.
Жбогар заедно со словенечкиот амбасадор Милан Јазбец во рамки на кампањата „ЕУ за тебе“ посетија неколку проекти финансирани од Европската Унија а имаа и средби со претставници на граѓанското општество кои се занимаваат со прашања од областа на заштитата на животната средина.