Македонија останува во третата Евро-африканска зона во Дејвис купот. Тениската репрентација не успеа до промоција повисок натпреварувачки ранг по поразот од Луксембург со 1:2 во полуфиналето во Созопол Бугарија. Димитар Грабул загуби од Уго Настаси со 4:6, 3:6 за, потоа, Томислав Јотовски да израмни на 1:1 по триумфот над Криштоф Тол со 6:2, 6:2. Во одлучувачкиот меч, во дубл, Грабул и Јотовски беа поразени од Алекс Кнаф и Настаси со 5:7, 6:4, 2:6.
Пласман во втората евро-африканска зона обезбеди и Република Ирска по полуфиналната победа над Бугарија со 2:1.
На пат до полуфиналето Македонија го освои првото место во Б конкуренцијата. Во првото коло беше совладана Малта со 2:1. Грабул со 6:3, 6:4 го доби Омар Судзука, Јотовски го загуби од Метју Асиак со 3:6, 6:3, 2:6, Деари и Грабул славеа над Асиак и Судзука со 7:5, 7:5.
Македонските тенисери во второто коло го поразија Исланд со 3:0. Грабул триумфира против Рафн Кумар Бонифациус со 6:4, 6:2, Јотовски над Биркир Гунарсон со 6:0, 6:1, Шендрит Деари и Горазд Србљак беа надмоќни против Владимир Ристиќ и Егил Сигурдсон со 6:4, 6:2.
Во последниот настап во групната фаза беше архивирана и Молдавија со 2:1. Грабул загуби само два гема од Максим Булат (6:1, 6:1), Јотовски го победи Андреј Кимак со 6:3, 6:2, а Деари и Србљак го предадоа мечот против Дмитри Басков и Андреј Солтојану во третиот сет при резултат 7:5, 6:7, 1:4.