Вредноста на американската авиокомпанија „Јунајтед Аирлајнс“ се стрмоглави по скандалот со бруталното и срамното исфрлање на патник од нивниот лет.
Откако видео снимките го покажаа крвавиот и избезумен патник кого полицајците и службениците на авиокомпанијата насилно го исфрлаат од авионот, само затоа што бил пребукиран, вредноста на компанијата на пазарот, односно на акциите, паднала за повеќе од 750 милиони долари. Моменталната вредност на „Јунајтед Аирлајнс“ е 21,7 милијарди долари.
Патникот кој беше изнесен од авионот е 69-годишен кинеско-американски лекар, Давид Дао. Пред да го влечат од авионот, полицајците случајно или намерно, го удрија Дау во лицето и го повредија. На снимката која ја објавија патници во авионот се гледа како Дао, целиот крвав и во шок повторува: „Ме убија, ме убија“.
https://www.youtube.com/watch?v=rRyirYVg4-g
Патникот иста така вика: „Ме избравте мене затоа што сум Кинез“. Веста посебно одекнала меѓу кинеските корисници на социјални мрежи. Илјадници Кинези го изразуваат својот шок и бес на страницата „Син Веибо“, каде веста за инцидентот има повеќе од 95 милиони прегледи.
Еден од патниците сведочи дека пред инцидентот од авиокомпанијата побарале четворица патници да го напуштат авионот, затоа што немало место за стјуардесите и понудиле надомест од 800 долари за доброволно напуштање на авионот. Со оглед дека не се јавил ниту еден доброволец, наводно компјутерски одбрале кои патници мора да излезат и да чекаат друг лет. Човекот кого го исфрлија бил доктор кој одбил да излезе од авионот бидејќи следното утро бил на работа.