По информацијата дека кандидатката на крајната десница Марин ле Пен е во вториот круг од претседателските избори, во источниот дел на Париз на Плоштадот Бастиља дојде до судир на демонстрантите и полицијата, шри што е употребен солзацвец. Тројца се уапсени, а едена жена е повредена.
Полицијата на плоштадот Бастиља употреби солзавец откако демонстрантите почнале да испалуваат сигнални бомби и ракети и фрлале стаклени шишиња.
АФП пренесува дека некои меѓу левичарските демонстранти фрлале и петарди кон полицијата, а полицијата соопшти дека три лица се уапсени.
Би Би Си објави дека една жена е повредена и дека се повикани пожарникари.
Неколку стотина млади се собрале на историскиот плоштад на кој кон крајот на 1789 година започна француската револуција, а водачот на протестите преку разглас повика на собир против Ле пен и против Макрон.
-Овде сме во знак на протест против имитација на избори, изјави еден демонстрант за француската агенција.
Агенцијата јави дека меѓу насобраните има антифашисти и анархисти.