Година 1993, фаза четврт-финале, ВТА турнир во Хамбург, противничка Магдалена Малеева од Бугарија. Женската тениска пресметка беше длабоко влезена во втор сет кога паузата меѓу гемови ја прекина силен врисок како последица на еден од најмрачните моменти во спортската историја.
Моника Селеш, тогашна репрезентативка на Југославија, стана жртва на Гинтер Парх, опседнат фан на Германката Штефи Граф, кој ја нападна со нож. Тенисерката беше прободена во горниот дел на грбот, раната беше со длабочина од 1,5 сантиметри и засекогаш ја промени историјата на тенисот.
„Седев на клупата и одеднаш почувствував силна болка во грбот. Кога се завртев, видов лице со нож во рака и помислив: „О, Господе, овој човек ми зари нож во грб“. Беше хаос. Потоа видов дека обезбедувањето влече некој човек“, се присетува Селеш на најлошиот ден во нејзината кариера што значеше и крај со активното играње тенис.
Индицентот предизика сомнеж дека е политички мотивиран за српските корени на Моника Селеш, но германската полиција подоцна потврди дека напаѓачот бил ментално пореметен. Парх беше осуден за нападот меѓутоа не и затворен бидејќи е констатирана непресметливост и две години мина под психијатриски надзор.