Силен вовед имаше машката одбојкарска репрезентација на Македонија во годинашното издание на Европската лига. „Црвено-жолтите“, вечерва во СРЦ „Кале“, го совладаа Азербејџан со 3:0 (по сетови: 25:19, 25:19, 25:20) и во ниту еден момент не дозволија да бидат нарушени нивните победнички амбиции. Најмногу поени (22) забележа Никола Ѓорѓиев, Љафтов нанижа 11, Милев и Самадов по 8, Маџунков 7.
Во првиот меч на турнирот Албанија приреди изненадување со триумфот над Шведска со 3:2 (по сетови: 15:25, 23:25, 25:23, 26:24, 15:9).
Токму селекцијата на западниот сосед, утре (19.30 ч.), ќе биде ривал на најдобрите македонски одбојкари во второто коло по пресметката меѓу Шведска и Азербејџан од 17 часот.
Домаќин на вториот турнир е Албанија. Мечевите ќе се играат од 23 до 25 јуни во „Олимпик парк“ во Тирана.
Натпреварите во групата Б, пак, се влезени во втората половина. Денеска во Ниреѓихаза се комплетира четвртото коло во кое Украина го совлада Израел со 3:0 (по сетови: 25:16, 25:13, 25:15), а Данска со идентичен резултат беше подобра од Унгарија (по сетови: 25:23, 25:23, 25:21). Данците и Украинците се лидери на табелата со биланс од три победи и пораз, Унгарците и Израелците имаат по една победа и три порази.
Европска лига
Група А, 1 коло (турнир во Скопје)
Македонија – Азербeјџан 3:0 (по сетови: 25:19, 25:19, 25:20)
Албанија – Шведска 3:2 (по сетови: 15:25, 23:25, 25:23, 26:24, 15:9)
Група Б, 4 коло (турнир во Ниреѓихаза)
Украина – Израел 3:0 (по сетови: 25:16, 25:13, 25:15)
Данска – Унгарија 3:0 (по сетови: 25:23, 25:23, 25:21)